САНАЛ АСУУЛГА ...

Асуулт :  Та манай байгууллагаас ямар төрлийн үйлчилгээ авах хүсэлтэй байна вэ?

СЭТГЭЛЗҮЙН ЗӨВӨЛГӨӨ ...
Сэтгэл зүйн онол-арга зүй, харилцааны дадал туршлагад тулгуурлан явагддаг мэргэжпийн үйлчилгээ
• Тохиолдож байгаа бэрхшээлээ бодитой ойлгон ухамсарлан ухаарч, өөрчлөлт хийх шийдвэр гаргахад нөлөөлөх өвөрмөц арга техник
• Амьдралын хүнд байдал, мухардлаас гарах хамтын ажиллагаа
• Хувь хүн болон гэр бүлийн гишүүдийн дотоод нөөц, чадавхийг нээн илрүүлэх, тэдгээрийг дайчлан идэвхжүүлэх, чадваржуулахад чиглэсэн сэдэлжүүлэх үйл явц юм.
Сэтгэлзүйн анхан шатны зөвлөгөөг:Сэтгэл зүйч, багш сурган хүмүүжүүлэгчид хүүхдийг судалж, түүний үр дүнг харгалзан зөвлөгөө өгч болно. Эсвэл хуүхдийн нас сэтгэл зүйн онцлогийн талаар мэдээлэл өгч тодорхой зөвлөмжийг санал болгож болох юм. Энэ бүхэн зөвлөгөөний анхан шатны хэлбэр. Үйлчлүүлэгчид тохиолдсон асуудлын талаар шинжлэх ухааны үндэстэй мэдээлэл өгөх, тодорхой зөвлөмж санал болгоход анхан шатны зөвлөгөөний зорилго чиглэгдэж байдаг.

Засал хавсарсан сэтгэлзүйн зөвлөгөө: Мэргэжлийн сэтгэлзүйчид хийнэ. Сэтгэл засал нь хүмүүсийн алдаатай буруу, үзэл бодолзан үйл харилцаа хандлагад нөлөөлж, зөв шийдвэр гаргажамьдрал ахуйдаа хэрэгжүүлэн турших, өөрсдийн дотоод нөөц боломжоо нээж ашиглах сайн сайхан, аз жаргалтай амьдралын төлөө тэмүүлэх, хүсэл эрмэлзэл, итгэл найдварыг төрүүлж сэдэлжүүлэхэдзасал хавсарсан зөвлөгөөний зорилго, үйл ажиллагаа чиглэгдэж байдаг. Тухайлбал:
• Хүний дотоод өртөнцөд нөлөөлж сэтгэл санаа, оюун ухааныг дайчлан идэвхжүүлэх замаар зөрчил маргаан хүндрэл бэрхшээлээс гарах хэрэгцээ сэдлийг дэмжих
• Үүсэж бий болсон бэрхшээл саадын учир шалтгааныг бодитойгоор ухааран ойлгох, дүгнэлт хийх үйлявцыг дэмжих
• Хүмүүсийн үзэл бодол, зан үйлсэтгэл санаанд нөлөөлж, зөв шийдвэр гаргахад туслах
• Тухайн асуудлаа шийдвэрлэх хувилбаруудыг авч үзэх
• Үйлчлүүлэгчийн гадаад ба дотоод нөөц боломжийг судлан илрүүлж, тэдгээрийг амьдрал ахуйдаа ашиглах өөрийгөө улам хөгжүүлж, чадваржихад дэмжлэг үзүүлэх
• Зан үйлийн ахиц өөрчлөлтийг бататган бэхжүүлэх зэрэг олон талын цогц дэмжин сэдэлжүүлэх чиглүүлэх үйл ажиллагаагаар тодорхойлогдоно.
Сэтгэл заслыг:Мэргэжлийн сэтгэл засалч хийнэ. Сэтгэл засал нь засал хавсарсан зөвлөгөөтэй ижил төстэй. Эдгээр нь онол арга зүй ёс зүйн ижил зарчим дээр тулгуурлан үйлчилгээгээ явуулдаг. Зөвлөгөө өгөх эрхийн дипломтой мэргэжилтнүүд засал хийх боломжтой. Гэхдээ зөвлөгөө засал хоёрын хооронд ялгаа бий. Тухайлбал,
• Шийдвэрлэж байгаа асуудлын зэргэмжээрээ ялгаатай. Сэтгэцийн эмгэг харьцангуй хүнд төвөгтэй асуудлыг шийдвэрлэхэд сэтгэл заслын үйлчилгээ илүү шаардагдана.
• Үйлчлүүлэгч мэргэжилтний хооронд явагдаж байгаа харьцаагаараа онцлог ялгаатай. Сэтгэл засалч нь үйлчлүүлэгчийн сэтгэл санаа, сэтгэл хөдлөлтэй холбоотой асуудлыг шийдвэрлэхэд илүү анхаарч ажилладаг
• Үргэлжлэх хугацаагаараа ялгаатай. Сэтгэл засал хийхэд илүү удаан хугацаа шаардагдана.
• Явуулж байгаа орчин нөхцөл, түүнд тавигдах шаардлагаараа ялгаатай
Сэтгэл заслын үйлчилгээ эмнэлэгийн байгууллага дээр голлон явагддаг бол тусгайлан төхөөрөмжилсөн ердийн өрөө тасалгаанд зөвлөгөөг явуулна. Иймээс зөвлөгөө өгөх техникийг сайтар эзэмшсэн, ёс зүйн хэм хэмжээг мөрдөж ажилладаг, хүнтэй ажилллах туршлагатай, харилцааны эв дүй, ур чадвар сайтай, энэ чиглэлийн үйлчилгээ зөвшөөрлийн эрх авсан мэргэжилтнүүд зөвлөгөө өгч, засал хийнэ.
ХАНДАЛТ
Өнөөдөр156
Энэ 7 хоногт1361
Энэ сард3292
Энэ жил57147

МЭНДЧИЛГЭЭ
Манай цахим хуудаст “ТАВТАЙ МОРИЛНО УУ” гэж таныг хүндэтгэн мэндчилье.
Манай байгууллага нь хүүхэд, гэр бүл, залуучуудын чиглэлээр орон нутгийн түвшинд төрийн бодлогыг хэрэгжүүлэгч бөгөөд цаг үеийн өөрчлөлт, шинэчлэл, хөгжил, дэвшилтэй мөр зэрэгцэн үйл ажиллагаагаа тасралтгүй үе шаттай өргөжүүлэн, нэг санаа нэгэн зорилгын дор үзэл бодлоо нэгтгэн, байгууллагын үнэт зүйлийг эрхэмлэсэн, өөрөө өсөн хөгжих чадвартай, бусдыг хайрлах зөв сэтгэлтэй, хүүхдийн сайн сайхны төлөө итгэл, зүтгэлтэй боловсон хүчнээр багаа бүрдүүлж, тэдэнд өргөн мэдлэг, баялаг туршлага, тэргүүний арга барил эзэмшүүлэхэд ихээхэн анхаарч ажиллаж байна. Энэ асуудал нь бусдын оролцоо, дэмжлэгтэйгээр хэрэгжих нь түүхэн үнэн гэдэгт би огтхон ч эргэлздэггүй.

Мэдээлэлжсэн нийгэмд оршин буй та бүхнийг дэлхийн аль ч газраас өврийн сайхан хангай нутгийн хүүхэд багачууд, гэр бүлийн сайн сайхны төлөө хэрэгжүүлж буй бодлого, үйл ажиллагаа, ахиц, дэвшил, тэдний хөгжил, бодит нөхцөл байдал, эдгээр тухай мэдээлэлтэй хүссэн цагтаа саадгүй танилцаж байгаа гэдэгт итгэл төгс байна.

Бидний аймаг, орон нутгийн хүүхэд, гэр бүлийн сайн сайхны төлөө гэсэн өгөөмөр сэтгэлтэй үйлчлүүлэгчид Монголын төрөөс хэрэгжүүлж буй бодлого, төсөл, ажил үйлчилгээ, түүнтэй холбоотой санал бодлоо чөлөөтэй илэрхийлж, хамтран ажиллах саналаа ирүүлж байгаа нь байгууллагын ирээдүйн хөгжилд үнэтэй хувь нэмэр оруулж байгаа гэдгийг дурьдахад таатай байна.

Бид шинээр мөрдөж буй хууль эрх зүйн хүрээнд, цаг үеийн нөхцөл байдалд мэдрэмжтэй хандах үүднээс байгууллагын үйл ажиллагааны ил тод, нээлттэй байдалд иргэдийн оролцоог хангах, төрийн ажил үйлчилгээний талаархи мэдээ мэдээллийг түргэн шуурхай, хvнд сурталгvй, нээлттэй, ил тод болгох асуудалд мэдээлэл технологийн ололттой талуудыг ашиглахыг зорин ажиллаж байна

Бидэнтэй цахим хуудсаар дамжуулан үргэлж хамт байдаг хүүхэд багачууд, залучууд, хүүхэдтэй ажиллагсад, эцэг эхчүүд, байгууллага хамт олон, олон улсын байгууллага, ирээдүйн хамтрагч та бүхэнд талархаж байгаагаа чин сэтгэлээсээ илэрхийлэн, таны хүсэн хүлээж буй мэдээ, мэдээллийг вэб хуудаснаа байршуулж, олны хүртээл болгохын төлөө хичээн ажиллах болно.

Вэбийн маань хүндэт зочин таныг манай хамт олонтой мөнхийн хамтрагч, бидний туслагч, бидний дотно зөвлөгч байж, дахин дахин зочилж байгаарай гэж хүсэж байна.

Хүндэтгэсэн: Өвөрхангай аймгийн ГБХЗХГазрын дарга Ж.Энх-амар